Dəli bir küləyə verəsən qəlbini

 Dəli bir küləyə verəsən qəlbini,
Sovurub apara içindəki ağrıları,
Acıları, mənasız hikkələri.

 Dəli bir yağışa açasan içini,
Yuyub apara ruhunun sonsuz yorğunluğunu.

 Ya baş alıb gedəsən bir kimsəsiz adaya,
Ya da içində öldürəsən VİCDAN deyiləni.

 Olasan bir dəli,
ya da bir sırtıq insan,
Yaşayasan"adam" kimi
Və boş verəsən düşündüyün hər şeyi.